BARMBRACCUS. Lex Frison. tit. 4. § 3: Qui occiderit canem acceptoricium, vel bracconem parvum, quem Barmbraccum vocant, etc. Bracco, canis dicitur, uti suo loco: ergo barm, inquit Lindenbrogius, parvum significat. At mavult Spelmannus a Saxonico Barme, deductum vocabulum, quod gremium significat, ut Barmbraccus, sit canis gremialis, quales etiam hodie nobiles feminæ, voluptatis gratia, in gremiis fovent. Potius qui adhuc a sinu matris pendet ; sed fortasse est Barn, Filius, progenies. Vide Graffii Thesaur. vol. 3. col. 154. 156. Gall. Braque, German. Brack etiam nunc canem venaticum significat.

• barmbraccus (Lex Frisionum)